မန္တလေးမြို့တွင် အေအေအဖွဲ့ဝင် (၄) ဦးကို ဖောက်ခွဲရေးပစ္စည်းများနဲ့ အတူ ဖမ်းမိ

မန္တလေးမြို့တွင် အေအေအဖွဲ့ဝင် (၄) ဦးကို ဖောက်ခွဲရေးပစ္စည်းများနဲ့ အတူ ဖမ်းမိ

စက်တင်ဘာ ၁၀ – နိုင်လင်းဦး

မန္တလေးမြို့ ချမ်းမြသာစည်မြို့နယ် မြို့သစ် (၅) ရပ်ကွက်ရှိနေအိမ်တစ်ခုတွင် အမျိုးသား (၄) ဦးနှင့်အတူ ဖောက်ခွဲဖျက်ဆီးရာတွင်အသုံးပြုသောပစ္စည်းများနှင့် ဆက်သွယ်ရေးပစ္စည်းများကို စက်တင်ဘာလ ၁၀ ရက်နေ့ နံနက်ပိုင်းအချိန်က ဖမ်းဆီးရမိထားကြောင်း သိရသည်။

သတင်းအရ သက်ဆိုင်ရာရဲတပ်ဖွဲ့ က သက်သေများနှင့်အတူ ချမ်းမြသာစည်မြို့နယ်၊ မြို့သစ်(၅)ရပ်ကွက်၊ လမ်း ၇၀၊ ဒဿနလမ်းရှိ နေအိမ်တစ်ခုသို့ ဝင်ရောက်ရှာဖွေရာ အောင်လင်းထက် ၊ ဦးမြတ်ခိုင် ၊ ချမ်းငြိမ်း တို့အား တွေ့ရှိသည့်အတွက် စစ်ဆေးမှုများပြုလုပ်ခဲ့သည်။

ထို့နောက် အဆိုပါ နေအိမ်အပေါ်ထပ် အခန်းအတွင်းမှ THLIRAYA XT-ITTE. Satellite Phone (အသစ်) အလုံး (၄၀)၊ မှန်ပြောင်း (BAIGISH) made in RUSSIA (၃၀) ခု၊ GARMIN (GPS+GLONASS) (၂၅)လုံး၊ ယမ်းတုံးဟုယူဆရသော အထုပ်(၂၈)ထုပ်၊ ဒီတိုနီတာ ၁၀၀ ထုပ်ပါ (၁၀) ခု၊ ဖယောင်းချောင်း (၃၅) ချောင်း၊ စက္ကူဖြူ ၁၅ လိပ်ပါ (၃)ထုပ်၊ ယမ်းဖြူဟုယူဆရသော (ဆာလာအိတ်ဖြင့်ထည့်လျက်) ၅ အိတ်နှင့် စက္ကူညို (၁) ထုပ်တို့ကို တွေ့ရှိသိမ်းဆည်းရမိခဲ့သည်။

အသေးစိတ်စစ်ဆေးမှုများပြုလုပ်နေစဉ် ဖိုးကျော် (၂၂)နှစ် ရောက်ရှိလာသဖြင့် ဖမ်းဆီးထားခဲ့ကြောင်း မှုခင်းမှတ်တမ်းများအရ သိရသည်။

အဆိုပါဖြစ်စဉ်နှင့်ပတ်သက်၍ မန္တလေးတိုင်းဒေသကြီး ရဲတပ်ဖွဲ့ မှ ဒုတိုင်းရဲတပ်ဖွဲ့မှူး ရဲမှူးကြီး ကိုကိုလွင်၊ မန္တလေးခရိုင် ရဲတပ်ဖွဲ့မှူး ဒုရဲမှူးကြီး စိုင်းလှထူး ၊ ချမ်းမြသာစည်မြို့နယ် ရဲတပ်ဖွဲ့ မြို့နယ်ရဲမှူး နှင့် ဒုမြို့နယ်မှူး တို့အား ဆက်သွယ်မေးမြန်းသော်လည်း ပြန်လည်ဖြေကြားခြင်းမပြုခဲ့ပေ။

ဖမ်းဆီးရမိထားသည့် လူ (၄) ဦးသည် အေအေ လက်နက်ကိုင် အဖွဲ့မှ ဖြစ်ကြောင်း အတည်ပြုမရသည့် သတင်းများအရ သိရသည်။

The Fifth Wave News

လေးစားစွာဖြင့် ခရက်ဒစ်